SMK Giri Pendawa sane magenah ring wewidangan Desa Adat Nongan,sajeroning nyanggra pemargi karya Agung Ngenteg Linggih ring Pura Dalem Kupa presida ngemargiang ayah-ayah saking pengawit ngemargiang mereresik ring wewidangan pura,ngayah ngarya penjor,ngaturang punia bakti lan wewalungan wedus saha ngerauhin uleman pesaksi karya lan ngaturang puja bakti ring rahina puniki sedurung Ida Betara katuran mesineb.
Pemargi puniki gumanti nitenin para sisya mangda presida ngemargiang swadarma dados umat hindu lan mapaiketan ring ayah-ayah pakraman manut genah suang-suang kapungkur wekas,saha presida dados generasi pewaris tetamian leluhur sane sampun kasub ring dura negara.
Penangkilan guru,pegawai lan sisia kesanggra olih pengrajeg karya utawi kelihan Pura Dalem Kupa dane Jero Komang Sumarta ,dane maosang karya agung puniki presida kemargiang sangkaning paswecan lan pekayunan Ida Sesuhunan taler sangkaning kerumaketan krama penyungsung sane sampun ngayah ngawit limang sasih lintang antuk manah gargita,pekayunan suci lascaria ngemargiang yadnya,punika taler ayah-ayah wargi SMK Giri Pendawa sane sampun taler nyokong karyan tityang puniki,antuk punika ring galah becik puniki tutyang ngaturang suksmaning manah ngangganing krama sami,mogi Ida Betara Sesuhunan mepaica kerahayuan dirge hayu dirge yusa sareng sami.
Sumarta sepisanan manggala SMK Giri Pendawa taler nguningang,karya puniki mebuat pisan dwaning karya sane utama puniki nembe presida kemargiang,astungkara malih tigang rahina Ida mesineb kerihinin antuk nyegara gunung lan Rsi Bojana.baos dane.
Rombongan SMK sane ke eter olih Put u Darma Suci,puput ngemargaiang pamuspaan raris nabdabin sisya mewali kesekolahan,Putu Dharma Suci pinaka pengabih widang Kesiswaan maosang,galah puniki gumanti ngicenin ajah-ajah ring para sisya mangda waged sajeroning ngemargiang swadarma ring panegara krama,medue pikayun becik,paras paros rikala nabdabin pakeweh ring kahuripanipun. Taler tityang matur Suksma ring semeton guru lan pegawai sane sampun presida nyarengin tityang ngabih para sisya ngaturang bakti,eling ring swadarma,baos dane.(manixs)
Tidak ada komentar:
Posting Komentar