Rahina Tumpek Uye warsane puniki ring SMK Giri Pendawa kemargiang antuk upacara lan upakara ring Padmasana sekolah inucap,Manggala SMK Giri Pendawa I Komang Sumarta,S.Pd,M.Pd.maosang manut Surat Kepala Dinas Pendidikan Kepemudaan dan Olahraga Provinsi Bali No.: B.31.420/48838/UK/ DIK-PORA nganin indik Perayaan Rahina Tumpek Uye ring Saniscara Klion wuku Uye pinanggal masehi 21 Oktober 2023 keaptiang ring Kepala SMA/SMK/SLB Negeri lan Swasta se wewengkon jagat Bali mangda ngelaksanayang upacara Tumpek Uye puniki,kemargiang antuk pemargi niskala minekadi pemuspaan sareng sareng ring padmasana sekolah suang suang. Taler kemargiang pemargi sekala minekadi mereresik ring genah sarwa prani. Antuk piteket punika ring SMK Giri Pendawa,pemargi niskalane kemargiang upacara ring padmasana pamekas ring Sanghyang Siwa Pasupati lan Rare Angon keastawayang olih Gusti Aji Mangku Sandi Adi Putra, Taler kedagingin Dharma Wecana mepaiketan ring rahina Tumpek Uye puniki olih Jero Mangku Suiji,wakasek Humas. Upacara puniki gumanti pinaka ngaturang suksma angayubagya majeng ring Ida Sanghyang Widhi Waca sane sampun mepaica waranugraha ring sarwa prani,angge ngupapira kahuripan imanusa. Yening pemargi sekala kemargiang mereresik ring wewidangan sekolah,ngelantur ngemargiang upacara tumpek uye ayaban ring sarwa prani sinalih tunggil ulam sane wenten ring telaga sekolah,wusan asapunika kelebang ulam tatujone ngewetuang keasrian lan welas asih ring sarwa prani pamekasne ulam punika. Dumogi sangkaning ngemargiang upacara puniki sayan sayan nampek rasa tresna ring suang-suang sarwa mahurip,dwaning iraga puniki meraga tunggil nanging kabinayang olih premana,wenten eka premana(Bayu) minekadi sarwa tumuwuh, wenten Dwi Premana(sabda lan bayu) sane kadue olih i beburon,nanging iraga tegep medue Tri Premana(Sabda,Bayu,Idep). Sepatutne iraga manusa mangda sida ngemargiang idep tresna welas asih ring sarwa tumuwuh mwang sarwa prani,reh ipun presida negepin kauripan iraga presida urip selantang tuwuh sangkaning olas ipun ngelepas prani pacang anggen imanusa jatu urip alias dimakan.asapunika penikan Kepala Sekolah ring galahe ngemargiang ngelepas mina.(manixs).
Tidak ada komentar:
Posting Komentar