Melajah,... lengkara anê sesai dingehanga tekên murid muridê,disekolah kêto masih di jumah,mêmê bapanê saisai sebilang sanja ngorahin apang melajah...melajah,nanging liu cerik cerikê tusing ningehang, sawireh melajah ento nu anggapa "berat",mawanan liu ane ngekoh utawi sing demen melajah,apa buin gumi cara janine liunan demen meplalianan game,mlali hp nanging yen tundena melajah,setata males.
Ada carane melajah ane aluh nanging enggal ngeresep,kene carane :
1.Puguh melajah.
Puguh to patuh teken teleb,melajah sai sai sing ja melajah di luung bayune doen,di mekitane dogen nanging usahang melajah sai sai yadiastun ajebos-ajebos nanging pepes,perlu latih sesanane ento apang terbiasa. Yen sing latih sai sai,melajah di mekitane doen,anake ngorang yen ada mood melajah mara melajah,pasti sing dueg,waluyane cara yehe ketelang di lapangane kebus,pastika ajebos gen ilang menguap,jeg sing ada apa,makane puguhin melajah mara bisa.
2.Melajah di tongose ane demenin.
Melajah to perlu ketenangan,suasana ane tenang,nyaman mara enggal ngeresep sing ada gangguan, makane yen melajah perlu ngalih tongos ane luung dalam artian sing joh johsan uli jumahe,mekita dadine iraga melajah,sehingga enggal ngeresep dikenehe.
3.Da bes liu melajah.
Melajah to perlu sekebedik,yen melajah ngampet mara ngantyang ujian to (Kebut Semalam)kar pengeng sirahe,ibaratne yen cara gelase jeg byokin yeh apanci cepokan sinah ia sing nampung,mebiok enggalan kesisi.makane perlu waktu,bedik bedik,ngeresep dadine.
4.Melajah sambil Mebligbagan/diskusi.
Melajah sambil mebligbagan ngajak timpal melarapan melajah mekelompok to penting pesan,sawireh ane lambat ngerti bisa orina jak timpalne ane suba ngerti,keto masih ane duegan maan pengalaman baru dadi guru ngorin timpal ye lakar percaya diri mawanan ye semakin dueg dadine seimbang kemajuane yen iraga melajah mekelompok. Sebenehne nak mekejang patuh pada ngelah otak abesik,lima pada dadua,kuping,cunguh peningalan patuh ajak mekejang,nanging tergantung iraga nganggo penglotika.Ne penting yen melajah kelompok da liunan ngerumpi,apa buin nyatwang kejelekan timpal,no!!
5.Melajah sambil ningehang musik.
Yen melajah puter musik ane demening,ngulangunin keneh sehingga raga lega bayune melajah,santae dadine,yen suba lega terbuka otake nerima peplajahan dadine enggal ngerti,wireh ngidang konsentrasi, kewala tergantung demen iraga,wireh ada masih anak sing demen uyut.
6.Melajah da ngapal dogen
Yen iraga melajah da ngapalang dogen,plajain inti pelajahane ento,alih konsep ne,sekenang mlajain intisari ne ,alih point point ne,engken carane,gae ringkasane,gae sket sket di kertase enggalan dadine iraga ngerti. Cara di film 3 idiots ada lengkara melah "yening melajah ulian ngapal maan ngirit waktu petang tiban di universitas,kewala cai ngusak 40 tiban idup caine binpidan"
7.Da lek metakon.
Murid ane seleg medingehang yening guru nerangang pasti lakar liu bisa metakon,yening sing rungu teken guru rikala nerangang pelajahan sinah sing bisa lakar metakon,sawireh sing ningeh apa ane satuanga jak gurune. Ane penting yen suba iraga medingehang munyin guru rikala nerangang, ada ane konden ngerti patut takonang,da lek metakon, kan ada pepatah "malu bertanya sesat di jalan"
8.Cobain sing berhasil (Trial and Error).
Yen iraga melajah pastika taen pelih,gagal sing berhasil,istilahne yen iraga mejalan pasti taen labuh, inget dugas mara melajah mejalan,bah cepok buin bangun akhirne bisa mejalan kan ?. Keto masi yen iraga melajah,adane nak melajah mara muruk,pasti susah/berat,kewala seberat apapun pasti bisa,yen iraga tekun atau seleg,gagal cobain buin,ingetang dugas cerik melajah mejalan,to pelajahan luung anggo pertiwimba/conto.
9.Demenin pelajahane
Yening ada guru ngajain sing demenin,da pelajahane bareng gedegin,pelih to,ngelantas raga sing bisa, guru masih jeleme,ada ane dueg,ada ane tuna,nanging suksmane to masih guru,alpaka guru yening iraga gedeg teken guru,telebang guru susrusane/hormat pada guru,karmane pasti melah. Engken carane nemenin pelajahane,alih conto conto di yutube,di internet muah ane lenan,se-sing demenin apa ja,pelajahane ento anak paican Dewi Saraswati,ingetang to,pang sing tulah pamidi teken Dewi Saraswati.
10.Ingetang tetujon iraga mesekolah
Tetujon iraga ke sekolah mesekolah tusing ada leh tuah ngalih peplajahan/Ilmu Pengetahuan,apang iraga tahu,nawang nyalanang sesana kehidupan medadi manusa apang manut sesana,ngelah wiweka sawireh iraga lengkap ngelah Tri Premana. Yen suba nawang tetujon masekolah pasti iraga lakar teleb melajah sawireh irerama liu mesuang prebeya meyanin swadarman iraga masekolah,ajinin i rerama apang tusing alpaka teken guru rupaka.
11.Ingetang Ngastiti Widhi (berdoa)
Amongken ja saktin jelemane yening tusing inget teken Widhi,pastika nemu sengsara,yen sing di sekala di niskala pastika lakar nampedanga karmane. Mawanan keberhasilane ento kuncine tuah sangkaning paswecan Ida Bhetara disamping usaha lan kerja keras iraga nyalanang swadarma pastika swadikaran iraga lakar melah nemu bagya.
Dumadak ada pikenohne teken cerik cerik ajak mekejang,mewetu lantas nemuang ane ketujuang,hidup rahayu setata bagya nyalanin karma,nanging ingetang apa ja gegaene apang bisa kerja keras,kerja cerdas, kerja tuntas lan kerja iklas,keto masih nyen megae apang megae pake hati,megae sepenuh hati, dang engsap megae hati hati,apang bedikan resikone,apa buin megae di pipise hati hati apang sing ketanjung hukum. Rahayu (manixs).
medio Sabtu,30 Maret 2024/Humas SMK Giri Pendawa.
Tidak ada komentar:
Posting Komentar