DRS.I KETUT SUDANA,M.SI MANGGALA YAYASAN GIRI PENDAWA

Yayasan Giri Pendawa sane keadegang medasar antuk Ijin Opersional Bupati Karangasem Nomor : 420/1622/Disdikpora, 25 Juni 2012 sane megenah ring wewidangan Kupa ,Banjar Dinas Bujaga,Desa Nongan,Kabupaten Karangasem,kemanggalain olih Drs.I Ketut Sudana,M.Si saking pengawit ngantos mangkin. Ketut Sudana sane kabiseka pemangku Dadia Pejenengan Pasek Gelgel Pegatepan ring Batusesa,dane embas daweg warsa 1958 ring Banjar Adat Belatung,Desa Menanga,Kecamatan Rendang.mesekolah SD ring SD Tegenan warsa 1972 tamat,lantur ring SMP Muncan tamat 1975,ngelanturang ring SMA 2 denpasar lulus warsa 1979 dawege punika keni perpanjangan malih 6 sasih. Saking juwet ngelanjutang masekolah raris dane kuliah ring FKIP Unud Singaraja jurusan Bahasa Indonesia,puput warsa 1984.

Sesampune lulus raris mengabdi ring SMA 2 Amlapura pinaka guru Bahasa Indonesia,kalih warsa mepengayah raris 1986 ke-angkat dados pegawai negeri ring sekolahe punika salami 12 warsa,raris kemutasi dados Kepala SMP 1 Bebandem warsa 1998,pitung warsa irika 2005 kemutasi malih dados Kepala SMPN 1 Amlapura wantah awarsa,2006 kemutasi dados guru ring SMPN 2 Amlapura taler wantah awarsa,2007 kemutasi ke Dinas Pendidikan Pemuda lan Olahraga dados pengawas SMA/SMK,taler awarsa dawning 2008 kelantik dados Kepala Bidang Pendidikan Menengah Umum ngantos 2014,kemutasi malih dados Kabid Ketenagaan salami 2 warsa,2016 malih mutasi dados Kabid SMP wantah 3 sasih ngelantur dados Kabid Paud lan PNF ngantos purna tugas utawi pensiun 2018.

Jero Mangku Sudana merabian sareng Dra.Ni Nyoman Taman,M.Si puniki medue putra asiki lan putri kekalih,sami sampun merabian,sane pinih duur dados kepala SMA 12 ring Denpasar sampun medua 3 putra-putri megenah ring Denpasar. Sios ring punika dane Mk.Sudana taler ngelanturang S2 ring UNHI tamat 2004,dane nenten waged ring karier kemanten nanging akeh mepengayah ring para krama(kegiatan social) minekadi dados Klian Banjar Adat Dharma Santi Subagan ngawit 2008 ngantos mangkin,sane keengku olih 88 KK,ring pesantian taler waged saha dados prejuru ring paiketan pemangku ring Kecamatan Karangasem lan Kabupaten Karangasem.

Nagingin masa purna tugas jero mk  putih lancig sane megenah ring Jl.Untung Surapati,Gang Sedap Malam No.2 A,Subagan,Karangasem puniki medue Toko Kelontong ring Kecicang kewantu olih 3 pekerja sane waged ring geginan ipun. Asapunika baos dane duk megendu wirasa sareng redaksi gatra humas kesarengin manggala SMK Giri Pendawa I Komang Sumarta,S.Pd,M.Pd. dane taler ngaptiang mangda manggala Yayasan setata kepaica kerahayuan mangda presida nitenin Yayasan sane ngemban SMK Giri Pendawa sane patut iraga sareng sami piara,mangda presida muponin alit alit generasi muda Bali pamekasnyane waged ring tattwa,Susila lan upakara ring kahuripan sida mahurip medue kewagedan(professional) ring kahuripan.(manixs)

Drs.I Ketut Sudana,M.Si manggala Yayasan Giri Pendawa